مذكرات طهقانه

موضوع: مذكرات طهقانه السبت نوفمبر 01, 2008 11:16 pm

[center]
[size=16]

[b]لاحظت الفترة الأخيرة على طهقان انه بقى قليل الكلام قليل الأكل كثير النوم ،
و بما إني قارئة في مجال الطب النفسي ،خفت يكون عنده اكتئاب ،
يا نهار ابيض في واحد متجوز ست فيري انترستنج زيي و يجيله اكتئاب !!!
دي حتى تبقى عيبة في حقي.
فقررت إني أخرجه من الحالة دي بعون الله
...
طهقانة: ايه رأيك يا طوطو.. ما تيجي ننزل نتمشى شوية حولين سور الحديقة الدولية؟
رياضة يعني

طهقان: (هز رأسه رافضا) توء

[size=21]طهقانة: طيب تعالى نروح المول اللي جنبنا نتفرج على المحلات [/size]
و أعزمك على اتنين كابتشينو على حسابك؟؟

طهقان: (يتململ في جلسته) لأ

[size=21]طهقانة: شفت مدام هدى جارتنا اشترت بغبغان إنما سكر خالص ،[/size]
من النوع اللي بيتكلم ،بس يا حرام أول ما جابته ماكنش راضي يتكلم
بقت تحط له فلفل حراق ،و من ساعتها مبطلش كلام هاهاها

طهقان: (أخد نفس عميق و زفير قوي) اه

[size=21]طهقانة: القطة بتاعة مدام ماجدة كانت حامل و خلفت خمس قطط و... [/size]
و...
طهقان: (بصوت مرتفع) إفصلي بقى يا شيخة... دي التلاجة بتفصل!0

[size=21]طهقانة: الله... حمدلة على السلامة ايوة كده صوتك وحشني يا طوطو.. ده أنا كنت خايفة تكون بلعت لسانك و مكسوف تقولي ،بمناسبة التلاجة.. سهام صاحبتي اشترت تلاجة ا ل - جي أربعة و عشرين قدم من السوق الحرة و دفعت بالدولار تصور!!0
[/size]
قام طهقان و سابني قاعدة و اتجه إلى غرفة النوم ، و أنا وراه ...اسيبه يعني و لا اية؟

[size=21]طهقانة: انت حتنام تاني و لا اية؟ ما تيجي اشغلك الفيلم اللي بتحبه فيديو و .. و.[/size]
..
طهقان: يا طه طه ارحميني بقى ..أنت عاملة زي مكنة الفيشار بس انتي مكنة كلام !!!اسكتي شوية ..أقولك؟..روحي نامي
و قفل باب الغرفة و قال من ورا الباب

طهقان: انا حنام محدش يصحيني

طيب أنا زعلانة بقى و مقموصة ، ده جزائي اني عايزة أخرجه من دور الاكتئاب اللي عنده

و فكرت شوية.. لاقيت ان نصف الأزواج بيجيلهم الدور ده في مرحلة من مراحل الزواج ، و بنسميها إحنا دكاترة الجواز

بالـ ( سكتة الزوجية)0

طيب دي علاجها اية ؟؟
همممم
فكرة كويسة....
سبت طهقان ينام و دخلت المطبخ عملت الغدا ، صينية خضار تورلي عجب و للي ميعرفش التورلي هو الخضار المشكل.
وعملت رز بالشعرية و شوربة و وضبت السفرة و دخلت صحيت سي طوطو يتغدى
قعد مكشر على السفرة ،و قبل ما نبدأ الأكل اتصل بيه صلاح صاحبه

</SPAN>

طهقان: انفرجت أساريره (محدش يسئل اساريره دي فين) الو ...هاهاها أهلا أهلا ...آه كنت نايم شوية...يا راجل ..إمتى؟؟...طيب.. نتقابل و نشوف الماتش سوا بقى..... هاهاهاها ... اه و....و ...
شاهدين يا ناس الراجل بيتكلم بربند مع أصحابه و بيضحك و صوته جايب آخر الشارع و مع مراته حبيبته.. النسمة.. الوديعة اللي هي أنا عامل فيها جهاز تلغراف و بيرد بالمختصر اللي مش مفيد كمان
طيب لما نشوف أخرتها
خلص التليفون و بدا طهقان الأكل، و يادوب حط أول معلقة تورلي في بقه و بصيت لقيته عرق و مناخيره ساحت

[size=21]طهقانة: مالك يا طوطو؟
[/size]
طهقان: ايه ده الأكل حامي كده ليه؟؟

[size=21]طهقانة: بجد؟؟ أصلي حطيت قرن فلفل حراق في التورلي
[/size]
طهقان: (أخد الملعقة التانية) لا لا... ده حراق قوي!!0

[size=21]طهقانة: كويس انا سمعت إن الفلفل الحامي بيموت الميكروبات
[/size]
طهقان أخد المعلقة التالتة) أنتي متأكده انه قرن فلفل واحد؟؟ ده تقريبا نص كيلو فلفل شطة !!0

[size=21]طهقانة: طيب كل بالهنا و الشفا
[/size]

و نجحت خطة مدام هدى مع البغبغان ..الفلفل الحراق جاب نتيجة هايلة، طهقان طول الوقت عمال يتكلم من ساعة ما أكل صينية التورلي ، و مش بس كده و رايح جاي على الحمام ، و معرفش ينزل يشوف الماتش مع صاحبه صلاح و بكده ضربت عصفورين بحجر واحد
نياهاهاي (ضحكة شريرة)0

اعمل اية بس ؟! ما أنا خلاص طهقت من طهقان و عمايله و صمته الرهيب اللي غلب صمت أبو الهول و كان لابد من حل لوزعي لزحلقة الكلام من بقه
و لا إية؟
اوروفوار
إمضاء [size=21]طهقانة[/size]

منقووووووووول

__________________
[/size]

[/b][/center]

الموضوع الاصلى : مذكرات طهقانه المصدر : اكاديمية المبدعين الكاتب : M!DO

عدل سابقا من قبل محمد المنسي في الخميس فبراير 19, 2009 10:31 pm عدل 1 مرات

جميل بس ممكن تغير لون الخط لانه غير واضح

الموضوع الاصلى : مذكرات طهقانه المصدر : اكاديمية المبدعين الكاتب : شهد

تسلم ايدك يا شهد

الموضوع الاصلى : مذكرات طهقانه المصدر : اكاديمية المبدعين الكاتب : فراشه الوادى

الموضوع الاصلى : مذكرات طهقانه المصدر : اكاديمية المبدعين الكاتب : THE JOKER

الموضوع الاصلى : مذكرات طهقانه المصدر : اكاديمية المبدعين الكاتب : queen

:43:

الموضوع الاصلى : مذكرات طهقانه المصدر : اكاديمية المبدعين الكاتب : ملاك بس هلاك

روعهـ
يسلمو
تقبل مرورى

الموضوع الاصلى : مذكرات طهقانه المصدر : اكاديمية المبدعين الكاتب : !MeZo!